නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
ආරම්භයේ දී දුෂ්කර වුවත් ඇලීම් ගැටීම්වල නිසරැබව නුවනින් හඳුනාගෙන නිවැරදිමඟ අනුගමනය කිරීමේ දී එම මඟ පහසුය, සැහැල්ලුය, සැනසුම්දායකය. මතු නිවනට මාර්ගය ද වේ.මමය, මාය, මගේය යන්නෙන් මිදෙන්න.
තමන්ගේ ක්‍රියා කලාපය නිසා සතෙක් මරණවා නම් සහ තමන්ගේ ක්‍රියා කලාපය නිසා සතෙක් මැරෙණවා නම් ඉන් මිදෙන්න උත්සාහකරන උතුමන් හඳුනාගන්න. එය ඔබේ මතු නිවන් මඟට පිටුවහලකි.
තම තමන් මනසින් සිතා හරයක් නැති ලෝකය තුළ හීන දහම් හඳුනාගෙන ඉන් මිදී ප්‍රණීත දහම් පුහුණු කර නිවන් මඟ අනුගමනය කරන්න. වීර්යෙන් සිහියෙන් උත්සාහ කරන්න.
හීන දහම් - දස අකුසල් කරයි නම්, කරවනවා නම්, අනුබල දෙයි නම් ඒවා හීන දහම් වේ.
මධ්‍යම දහම් - ජීවිත පැවැත්මට අත්‍යාවශ්‍ය ක්‍රියා, යුතුකම්, වගකීම්.
ප්‍රණීත දහම් - අනිසි ලෝකයේ රාග, ද්වේශ, මෝහ දුරැ කරන ආර්ය මඟ.
දහම් දෙසුම (පූජ්‍යපාද වහරක අභයරතනාලංකාර ස්වාමීන් වහන්සේ)
by Daham Vila
by Daham Vila
