නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
හිමාලයන්යෝගී භාවනා උපදේශක,
ආචාර්ය පූජ්‍ය බුද්ධගයාවේ සිසිලචන්ද්‍ර මෛත්‍රිය හිමි
ජාත්‍යන්තර භාවනා මධ්‍යස්‌ථානය,
බුද්ධගයාව, දිස්‌.ගයා බිහාර ප්‍රාන්තය,
ඉන්දියාව.
උතුම්ම දානය වන ධර්මදානය සමග එකට අත්වැල් බැඳි අනෙක්‌ දානය නම් ජීවිත දානයයි. මහා මෛත්‍රියෙන් මහා කරුණාවෙන්, මහා ශාන්තියෙන් කළ හැකි මාහැඟි උතුම්ම දානය වශයෙන් ඕනෑම අයකුට ලබාදිය හැක්‌කේ ජීවිත දානයයි. සියදිවි නසා ගන්නා මනුෂ්‍යයන් මිනිස්‌ ලොව සුලබව ඇතත් සත්ව ලෝකයේ එසේ දිවි නසාගන්නා සත්වයන් ගැන අප අසා දැක නොමැත.
තිරිසන් අපාය හෙවත් තිරිසන් ලෝකයේ වසන සියලු නිරි සත්වයන් නිරතුරුව බියෙන් සහ සැකයෙන් දිවිගෙවති. ඒ ඔවුන් ගෙන ආ අකුසල කර්මයි. කවුරුන් විසින් හෝ තමන්ට හිරිහැර කරතියි යන බිය ඔවුන්ගේ සිත් සතන් තුළ උපතින්ම ලියෑවී ඇත. එම නිසා දිවා රෑ ඔවුන් දිවි පෙවෙත් ගෙනයන්නේ අතිශය ශෝකබරිතවය. අපා, දෙපා, සිව්පා, බහුපා ආදී සියලු සත්වයින් කිසිදු වෙනසක්‌ නොමැතිවම සියොළඟ වෙලාගිය බියකින්ම දවස ගතකරයි. එහෙත් මිනිසත් බව ලබා ඇති මිනිස්‌ සත්වයාගේ ආදරය, කරුණාව රැකවරණය ලැබීමට වාසනාවන්තවූ ඇතැම් සත්වයන් ස්‌වභාවිකව මියයන තෙක්‌ ජීවිත බියකින් කල් නොගෙවන බවද මෙහිලා පැවැසිය හැකිය.
මෙවැනි තත්ත්වයන් තුළ අපගේ නෙත් යොමුවන්නේ නිතර දෙවේලේ කුසගින්නෙන් පෙළෙන කපුටන් දෙසය. කිසිදු මිනිසකු හෝ සත්වයකු කපුටු මස්‌ ආහාරයට නොගනී. එහෙත් ඔබ විමර්ශනය කරන්න කපුටන් කෙතරම් මර බියකින් නිරතුරු ජීවත්වනවාද කියා. ගොදුරු සොයන සත්වයන්ගෙන් සිය පැටවුන් බේරාගැන්මට සත්ව දෙමව්පියන් වෙහෙසෙන සැටි අප සමහරවිට දැක ඇත. එහෙත් එම උත්සාහයන් සාර්ථක වන්නේ කෙතරම් කලාතුරකින්ද? දුර්ලභව ලබාගත් මෙම වාසනාවන්ත මනුෂ්‍ය භවයේදී ඔබට පුළුවනි එම අසරණ සත්වයිනට උන්ගේ දරුවන් රැකදීමට කටයුතු කිරීමට පුරුදුවන්න. මෙතැනදී අවශ්‍ය වන්නේ බුදුරදුන් දෙසා වදාළ එසේම ධම්ම පදයේද සඳහන්ව ඇති සියලු සතුන් දඬුවමට මරණයට බිය ඇත්තාහ. තමුන්ට වනවා යෑයි අනුරූපව සිතන්න' යන පාඨයයි.
එවන් වටිනා සම්බුදු මුවින් පිටවූ දේශන නිරතුරුවම සිත් සතන්හි දරාගන්න පුරුදුවන්න. එය කුඩා කල සිටම ඔබට ලැබෙන මහඟු දායාදයකි. උතුම් කරණීය මෙත්ත සූත්‍රයේ විලසින්ම තිට්‌ඨං, චරං, නිසින්නෝවා, සයානෝවා යාවතස්‌ස විගත මිද්දොa' සිටගෙන සිටිමින් ඇවිදිමින්, හිඳගෙන සිටිමින් හෝ වැතිර සිටිමින් හෝ යහනෙහි නොනිදා සිටින තාක් කල් සියලු සතුන් කෙරෙහි නිරතුරු මෛත්‍රීය වැඩීම නිවනට පවා යොමුවන බලවත් කුසල කර්මයකි.
සියලු සතුන් මරණයට බිය නම්, මරණයට ඔබත් බිය නම්, ඔබ කළයුත්තේ කිසිදු වර්ග භේදයකින් තොරව 'දිට්‌ඨාවා යේව අද්දිට්‌ඨා' දකින නොදකින සියලු සතුන්ට සැම දිනකම ජීවිත දානය දීමට කටයුතු කිරීමයි. ඉතා සියුම් කුඩාම කෘමියන් පවා සම්බුදුරදුන් දෙසූ ජීවිත දානයට අදාළය. හදවත අවිහිංසාවෙන් මෛත්‍රියෙන් කරුණාවෙන් පිරී ඉතිරී යන්නේ එවිටය. එයම ඔබේ ඉදිරි ගමනට කුසලින් පිරී නොනවතින පහන් එළියකි. ඔබට නිරෝගීව, දීර්ඝායුෂ සහිත ජීවිතයක්‌ ගත කිරීමට අල්පායුෂ දීර්ඝායුෂ කරගැනුමට ඇති ඒකායන මාර්ගයත් එයම පමණි.
සම්බුදුරදුන් ආවාට ගියාට සූත්‍ර දේශනා පැවැත්වූයේ නැත. එසේම පසුව විකෘති කර ඇති පරස්‌පර ධර්මයන් දෙසා වදාළේද නැත.
එවන්දැ සිය බුද්ධියෙන් විමසා ගැනීම බුදුරදුන්ගේම 'ඒහි පස්‌සිකො ඕපනයිකො පච්චත්තං' න්‍යායෙන්ම තේරුම් ගැනීම වටී. සම්බුදුරදුන් දෙසූයේ තම ධර්මය වුවත් තීක්‌ෂණ අයුරින් විමසා බැලීමටය. පසුකාලීනව යම් යම් අය කියන ලියන දැ කාලාම සූත්‍රය අනුසාරයෙන් තේරුම් කර ගැනීමට උපදෙස්‌ දුන්නේද මේ නිසාය.
සත්වයින් මියයන විට සිය අසරණකම නිසාම උන්ගේ සිත් සතන් තුළ ඇතිවන්නේ අතිභයංකර බද්ධවූ වෛරයකි. එසේම මරන්නා පසුපස ඇදී එන නොනිමි ශාපයකි.ඒ සඳහා අනුබල දෙන්නාටද ගැලවීමක් නැත. කරකියා ගැනීමට හෝ තමාට තමාව රැක ගැනීමට අපහසු මිනිස්‌ හෝ තිරිසන් හෝ භේදයකින් තොරව ඇතිවන්නේ, සිත්වලින් පිටවන්නේ න්‍යෂ්ටික ආයුධවලටත් වඩා වැඩි බලවත් ශාපයකි. එකී ශාපවලින් ගැලවීමට කුමන තරාතිරමක අයකුට හෝ සංසාරයේදීම කිssසිසේත්ම අපහසුය.
මෙතනදී අපට පෙන්වා දිය හැක්‌කේ ජීවිතදානය දීම නොමඳවම කළ හැක්‌කේ මෙම වාසනාවන්තවලබාගත් මනුස්‌ස භවයේදී පමණක් බවය. සියලු මනුෂ්‍යයින්ම එය දැනගත යුතුය. ජීවිත නැති කිරීම මිනිස්‌ තිරිසන් භේදයකින් තොරව ඕනෑම පව්කාරයකුට පහසුවෙන් කළ හැකිය. එසේම එකී පව්කාරයන්ට තමන් නැසූ ජීවිත යළි ලබාදිය නොහැක. මෙයම සිද්ධාන්තයකට ගෙන හැකි අයුරින් සියලු සතුන්ට ජීවිත දානය දෙන්න. පයට පෑගීමට යන කුඩා කුහුඹුවකුට හෝ ජීවිත දානය දෙන්න. එයයි සම්බුදුරදුන් ලොවට ගෙන හැර පෑ මහා කරුණාව. ඒ නිසයි අට පිරිකරේ එක්‌ පිරිකරක්‌ වශයෙන් පෙරහන්කඩය පවා නිර්නය කළේ. උන්වහන්සේද යන යන තැන එය රැගෙන වැඩියේ. මහණෙනිෘ වතුර පෙරා බොන්න, එසේ කොට පෙරහන්කඩය නැවත වතුරේ ගසා නැවත ප්‍රයෝජනයට ගන්න.
දැන් සිතන්න, නොපෙනෙන සතුන්ට පවා එකල බුදුහිමියන් කෙතරම් සැලකිල්ලක්‌ දැක්‌වූවාද කියා. එසේ දිරිගැන්වූ සම්බුදුරදුන් පෙනෙන සතුන් මරා මරවා කෑමට අවසර ලබාදේවිද? එක ජීවියකුට අභය දානය දීම වනාහි ජීවමාන සම්බුදුවරයකුට පිදෙන සිව්පස දානයක මහා කුසලය හිමිවන බව, බුදුහිමියෝ දෙසා වදාළේ සියලු කල බුදුවරු නොමැති නිසා. ජීවිත දානය දීම තමන් වහන්සේ ජීවතුන් අතර සිටින අවධියේදී ලබාදෙන 'සිව්පස චීවර, පිණ්‌ඩපාත, සේනාසන, ගිලන්පස්‌ දානයක්‌ ලෙස සැලකීමටය. එහෙත් අවාසනාවක තරමෘ මෙවැනි අගනා දෙසුම්, මිල කළ නොහැකි දෙසුම් අද අතුරුදන් වී ඇති සෙයකි.
ජීවිත දානය ලැබිය යුතු මෙලොව වැඩියෙන්ම වද වේදනා විඳිමින් තම බඩදරු පැටව් සමග හැලියේ තැම්බී මියයන කකුලු අම්මලාව තම්බා තුනපහ රසකාරක, ලුණු, මිරිස්‌, සෝස්‌ දමා ඇතැම් පන්සල් තුළම සකසා දානය වශයෙන් ලබාගන්නා පින්වන්තයන්ද අප දේශය තුළ සිටින බව ඇතැම් පුවත්පත් වල පවා දැක්‌වී ඇත.
පිංවත් සැදැහැවතුනි, මෙවන් අසරණ කකුළුවන් පණ පිටින් අතපය බැඳ මත්ස්‍ය වෙළඳපළවල විශේෂයෙන් වෙරළබඩ වෙළෙඳසල්වල විකිණීමට තබාඇත. ඒවා විකිණෙන්නේ කිලෝ ගණනටය. එවන් කකුළුවන්ගෙන් සියයට අසූපහක්‌ම බඩදරු අම්මලාය. හැකිනම් ඔබලා කිහිප දෙනකු එකතුවීමෙන් උන්ව මිලදී ගෙන ආරක්‌ෂිත කලපු ප්‍රදේශවලට බැමි කපා දමා නිදහස්‌කර යවන්න. එවන් ජීවිත දාන පිංකම් වල වටිනාකම ගැන ප්‍රකාශ කිරීමට අප ශබ්ද කෝෂවල වචන පවා නැත. ඔබට වැයවන්නේ සංසන්දනාත්මකව සුලු මුදලකි. උපන් දිනවලදී මෙවැනි ජීවිත දාන ක්‍රියාවන්හි නිරතවන්න.
ආහාර දානය මිනිසුන් පමණක් නොව සතුන්ද කරනා ක්‍රියාවලියකි. සියලුම සතුන් පාහේ සිය දරු පැටවුනට ආහාර ලබාදෙන බව ඔබද දන්නා කරුණකි. එයද දානයකි. එමනිසා ආහාර දානය මිනිසුන්ට පමණක් නොව සතුන්ටද කළ හැකි එසේම කරන දෙයකි. අප මේ කියන්නක්‌ අසනු මැනවි, ජීවිත දානය දිය හැක්‌කේ දෙවියන්ට හෝ බ්‍රහ්මයන්ට නොවේ. සතර අපාගතවී ඇති සත්වයින්ටද එය කළ නොහැකිය. එසේ නම් කළ හැක්‌කේ උතුම් මනුෂ්‍ය භවයක්‌ ලැබ ඉපදී ඇති අපට පමණය. ඒ බව තේරුම් ගන්න.
තෙරුවන් සරණයි!
¤☸¤══════¤☸¤☸¤══════¤☸¤
