සැමදා විද්‍යමාන නිවන් මඟ යන්නේ මෙසේයි

ඔබට බෞද්ධයකු වශයෙන් ලැබිය හැකි උතුම් ම ඵලය වූ නිර්වානය සාක්ෂාත් කර ගැනීමට නිසි මඟ මෙයයි. පෙර ඔබ පුරැදු කළ දහම් මඟ යළිත් යන්නට හෝ මෙතෙක් ඔබ උත්සාහ නොකළ එම ධර්ම මාර්ගයේ යන්නට තවත් කල් නොදමන්න. එම ධර්ම මාර්ගයෙන් ඔබට ලගා කරගත හැකි ප්‍රතිඵලය අසම සම වේ. අති දුර්ලභ මේ අවස්ථාව ලබන්නට ඔබ සිදු කර ඇති පින ද අසම සම වේ. මේ නිසා ඔබ නුවනින් සිතා බුද්ධිමත්ව වර්තමානයේ ක්‍රියා කරයිද ඔබ මෙලොව වෙසෙන වාසනාවන්තම පිරිස අතර සිටින අති දුර්ලභ පුණ්‍යවන්තයෙකි. ඒ වෙනුවෙන් අපි අපේ ජීවිතයට පුරැදු කළ යුතු පින් සිතුවිළි පසකි.

1. ශ්‍රද්ධාව 

2. සීලය

3. ශ්‍රත

4. ඡාග - දානය

5. ප්‍රඥා

මෙයින් රැස් කරන කුසලයෙන් ඔබට ඔබ කැමති දිව්‍ය - බ්‍රහ්ම ලෝකයක හෝ මේ මනුලොව ඉපිද ඔබට සම්පූර්ණ කරගැනීමට නොහැකි වූ ධර්ම මාර්ගය සම්පූර්ණ කර ගැනීමට මහඟු ඉඩක් ඇත.
by Daham Vila

දහම් පර්යේෂණය

ආරම්භයේ දී දුෂ්කර වුවත් ඇලීම් ගැටීම්වල නිසරැබව නුවනින් හඳුනාගෙන නිවැරදිමඟ අනුගමනය කිරීමේ දී එම මඟ පහසුය, සැහැල්ලුය, සැනසුම්දායකය. මතු නිවනට මාර්ගය ද වේ.

මමය, මාය, මගේය යන්නෙන් මිදෙන්න.

තමන්ගේ ක්‍රියා කලාපය නිසා සතෙක් මරණවා නම් සහ තමන්ගේ ක්‍රියා කලාපය නිසා සතෙක් මැරෙණවා නම් ඉන් මිදෙන්න උත්සාහකරන උතුමන් හඳුනාගන්න. එය ඔබේ මතු නිවන් මඟට පිටුවහලකි.

තම තමන් මනසින් සිතා හරයක් නැති ලෝකය තුළ හීන දහම් හඳුනාගෙන ඉන් මිදී ප්‍රණීත දහම් පුහුණු කර නිවන් මඟ අනුගමනය කරන්න. වීර්යෙන් සිහියෙන් උත්සාහ කරන්න.

හීන දහම්      -     දස අකුසල් කරයි නම්, කරවනවා නම්, අනුබල දෙයි නම් ඒවා හීන දහම් වේ.

මධ්‍යම දහම්  -     ජීවිත පැවැත්මට අත්‍යාවශ්‍ය ක්‍රියා, යුතුකම්, වගකීම්.

ප්‍රණීත දහම්   -     අනිසි ලෝකයේ රාග, ද්වේශ, මෝහ දුරැ කරන ආර්ය මඟ.

දහම් දෙසුම (පූජ්‍යපාද වහරක අභයරතනාලංකාර ස්වාමීන් වහන්සේ)
by Daham Vila

නියත මිත්‍යා දෘෂ්ථීය

ඔබ දන්නවාද පන්චානන්තරිය පවක් සිදු කර අපාගතවනාවට වඩා නියත මිත්‍යා දෘෂ්ථිය නිසා අවීචි මහා නරකයට අපාගතවීමෙන් සසරේ කවදාකවත් ගොඩඒමට නොහැකි ලෙස සසරේ බැඳ දමන බව....? මේ නිසා ඔබ බෞද්ධයෙක් වුවත් අබෞද්ධයෙක් වුවත් මේ  මිත්‍යා දෘෂ්ථියෙන් යුක්තනම් ඔබට ගැලවීමක් නැත. මේ නිසා ඔබ ලද වටිනා  මිනිසත් භවයෙන් උපරිම ඵල නෙලා ගන්න. 

නියත මිත්‍යා දෘෂ්ථි

නාස්ථික දෘෂ්ථිය - කුසල් අකුසලයක් පිළි නොගැනීම

අක්‍රීය දෘෂ්ථිය - කර්මය හෙවත් පින පව පිළි නොගැනීම

අහේතුක දෘෂ්ථිය - සත්වයින් හේතුවක් නැතිව ඉපදීම මියයෑම පිළි ගැනීම.

නියත මිත්‍යා දෘෂ්ථිය
නුවනින් නිවැරදි මඟ දැනගන්න

by Daham Vila

රහතන් වහන්සේලා

බුදුන්රජානන්වහන්සේගේ බුද්ධ දේශනා අකාලිකය. ඵල සහිතය. මේ නිසා සෑම කල්හිම අවබෝධය පිණිස බුද්ධ දේශනා විවෘතය. අවශ්‍ය වන්නේ ඒ මඟ ගමන් ගන්නන්ය. මේ නිසා ධර්මය අනාවෘතව ඇති තාක්කල් එහි ගමන් කිරීමට පුද්ගලයින්  සිටී නම් මගඵලලාභීන්ගෙන් හිස් නොවේ. මෙහි ඇති වැදගත් ම කරැණ වන්නේ මාර්ගඵල ලැබූ උතුමෙක් එය තැන තැන කිය කියා නොයෑමයි. මගඵල ලැබූ විටදි තමන් ලබාගන්නා ලද ප්‍රතිඵලය ආරක්ෂා කරගනිමින් ඉදිරියට ගමන් කිරීමට උත්සාහ කරනු විනා නිස්සාර සසරේ නොඇලෙයි. සියළු කෙලෙසුන් නැසූ රහතන් වහන්සේලා තවත් කෙනෙකුගේ ධර්මය කෙරේ පැහැදීම ඇති කරවනු පිණිස හැර කිසිවිට ඒ ගැන හෙළි නොකරයි. මේ නිසා අවශ්‍ය වන්නේ රහතුන් සොය සොයා කාලය වැය නොකොට තමන් ලද වාසනාවන්ත මිනිස් දිවිය අවසන් වන්නට පෙර නිවන් මඟ ගමන් කිරීමයි. එමඟින් ඔබට සසර ගමන කෙටිකර ගැනීමට වගේ ම සතර අපායෙන් මිදීමට උපකාර වේ. යම්ලෙසකින් කිසියම් හෝ ඵලයක් ලබන්නට මේ භවයේදී  ඔබට නොහැකි වුවහොත් මතු භවයක් සදහා එය උපනිෂය වේ. එබැවින් ඔබේ උත්සාහය කිසිවිට අපතේ නොයයි.
by Daham Vila

ආශ්චර්ය ධර්ම

1. කවරෙකුටවත් බුදුවරයන් වහන්සේලා ඝාතනය කළ නොහැක.
2. බුදු වන භවයේ දී බෝධිසත්වයෝ උපන් විගස පියවර කිහිපයක් ගමන් කරති.
3. බුදු වීමට විවරණ ලැබූ සියල්ලෝ ම සම්මා සම්බුදු හෝ පසේ බුදු වී සසර ගමන කෙලවර කරති.


හේතු ඉදිරිපත් කල නොහැකි සිදුවීම්

1. කිසිවිට එකම කාලවකවානුවක බුදුවරැන් දෙදෙනෙක් පහළ නොවෙති.
2. බුද්ධ ශාසනයක් පවතින තාක් පසේ බුදුවරැ පහළ නොවෙති.
3. බෝසතුන් ඉපිද සත් දිනෙන් මව මිය යයි.
4. බෝසතුන්ගේ මාතාව ඊලඟ භවයේ දී පිරිමි ආත්මයක් ලබයි.
5. බුදුන්වහන්සේ ප්‍රශ්න කරන ලදුව තෙවරක්ම පිළිතුරැ නොදුනේද ඔහුගේ හිස සත් කඩකට පැළෙයි.
6. බුදුන්වහන්සේගෙන් වැදුම් ලදොත් ඔහුගේ හිස සත් කඩකට පැළෙයි.
7. කිසිවෙක් ආනන්ද හිමියන් ඉදිරියේ උන්වහන්සේ දේශනා කරන ලද සද්ධර්මය අසද්ධර්මයැයි කිවහොත් ඔහුගේ හිස සත් කඩකට පැළෙයි.
8.  රහත් වීමෙන් පසු දින හතකට වඩා ගිහිගෙයි නොසිට ගිහිගෙයින් නික්මෙයි. එක්කෝ පිරිනිවනි පායි.
9. සෝවාන් වූ උතුමන් මෙලොවට එන්නේ සත් වරක් පමණි. එම කාලය තුළ සසර දුක් කෙළවර නිවනට පත් වේ.
by Daham Vila